1.2 - Rexistrando e xestionando os libros na biblioteca online
Para rexistrar os teus libros da biblioteca, e que así poidan emprgarlos na aula os alumnos/as, deberás seguir estes pasos, escollendo unha destas opcións
Sistema manual:
- a) Atopar a portada do libro en formato jpg (en google aparecen case todas ou ben unha fotografía feita por ti mesmo/a... cun tamaño reducido preferentemente)
- b)Renomear o arquivo asignándolle un número 1.jpg, 2.jpg.... de forma sucesiva.
- c) Se se trata dunha colección o primeiro deles chamarase por exemplo 9.jpg, e os sucesivos da colección 9-1.jpg, 9-2.jpg... etc.
- d) Subir a portada
- e) Introducir o seu ISBN-13 (podes atopalo sempre xunto ó seu código de barras)
- f) Automáticamente serán completados, se se atopa a información na base de datos de google a partir do isbn introducido, os campos título, autor, ligazón á páxina de información de Google e editorial.
- g) Edita ou completa os campos de cada libro se o desexas en calquera momento.
Sistema automático:
- a) Introduce o número a asignar ó libro
- b) Introduce o ISBN do libro ou unha palabra do título a buscar.
- c) Buscarase entre os libros xa existentes recursoseducativos.net con ese isbn, de atoparse darache a opción de engadilo automáticamente.
- c) No caso de no atopar resultados, terás que introducilo de modo manual, tal como se indicaba anteriormente.
Para facer todo isto teremos que entrar na nova opción -acceso mestres-, que non se verá cando se acceda sen os teus datos de acceso, por exemplo cando entre o alumnado co seu carnet QR.
Unha vez dentro da zona de xestión de mestres/as poderemos levar a cabo varias accións de control sobre a nosa biblioteca, entre elas subir as portadas dos libros de modo manual ou automático así como xestionar os libros que teñamos xa metidos.
Veremos tamén aparecer un contador de números que temos dispoñibles para usar.
Na parte inferior desta zona de administrador accederás á lista de libros introducidos onde poderás borralos e actualizar os seus datos, se así o precisas (para ser logo usados no buscador ou visualizados escaneando o código QR que se asgina a cada libro). Lembra premer o botón gardar tras cambiar cada libro. O código ISBN-13 do libro é obrigatorio.
Podes elexir se amosar a lista completa de libros (por defecto), ou son os -non devoltos- premendo no botón correspondente.
Tamén poderás ver aqueles libros non devoltos e, premendo non botón de -ver histórico de préstamos- poderás marcalos como devoltos, se o precisas.