Ola a todos e todas. Sodes varios os usuarios que tedes preguntado sobre as opcións dispoñibles en prográmame-udis, para rexistrar **as anotacións dos resultados da avaliación inicial**. A aplicación como tal non conta cun apartado específico para incluír as anotacións da avaliación inicial, **posto que poden empregarse calquera dos sistemas de rexistro de avaliación**, para usalos durante a avalición incial: - Podes usar o “**seguimento dunha UD ou UDI”**, por exemplo dunha UDI de comezo de curso, na que os instrumentos elixidos teñan como finalidade usarse como avaliación inicial.  - Podes crear un “**caderno do docente**”, para o primeiro trimestre de cada área (ou sen área), onde crear unha categoría chamada “avaliación inicial”, e dentro tantas probas como precises. Do mesmo xeito poderías empregar calquera dos instrumentos agrupados na programación que queiras usar na avaliación inicial. Lembra que podes marcar tódolos cadernos do docente que queiras como favoritos, para ter un acceso máis rápido.  - Podes usar o **anecdotario** para rexistrar aquelas anotacións relevantes para a avaliación inicial. Desde o smartphone e reloxos intelixentes incluso poderás dictalas con voz.  - Podes usar as “**fichas de seguimento**” por criterio de avaliación, que se ben foron pensadas incialmente para o seguimento trimestral, poden tamén usarse como avaliación inicial se o consideras.  Todas estas opcións, están dispoñibles tanto desde a versión web como na APP para smartphones/tablets (no caso do anecdotario tamén desde reloxos intelixentes) Podes ver tódolos boletíns publicados, no foro de recursoseducativos net no apartado “Novidades e anuncios”, ou directamente nesta ligazón. https://www.recursoseducativos.net/foro/index.php?u=/category/news-and-announcements Para calquera dúbida ou comentario podes empregar o citado foro ou ben enviar un correo a info@recursoseducativos.net